Vers van die dag - Gereelde Vrae
Byna 'n miljoen mense het interaksie met Vers-van-die-dag stories—elke dag— dit is 'n groot gehoor, en 'n selfs groter verantwoordelikheid! By YouVersion wil ons seker maak dat ons ons gemeenskap goed bestuur deur hoë-gehalte, boeiende, Bybelse inhoud aan te bied wat hulle aanspoor om goeie Bybel-gewoontes op te bou.
Riglyne vir Video-inhoud
Ons missie
Jou Vers-van-die-dag video moet:
- Warm, vriendelik en behulpsaam wees.
- Vir 'n internasionale gehoor aanvaarbaar wees.
- Nie probeer om persoonlike platforms, posisies of politiek te bevorder nie.
- Uitsluitlik fokus op die aangewese vers of gedeelte.
- Die kollig op die kern, noodsaaklike Bybelse beginsels in die vers gehou word.
Voordat jy jou video indien, hersien en verander enige inhoud wat geïnterpreteer kan word as neerhalend, veroordelend, aanstootlik of aanmatigend.
Riglyne vir topgehalte video's
Ons gemeenskap vind aanklank met inhoud wat goed vervaardig is, maar terselfdertyd geloofwaardig en aangenaam is. Om seker te maak jou video is van hoë gehalte, uitstekend, en gereed vir aanlyn plasing, hier is 'n paar riglyne:
- Gebruik 'n hoë kwaliteit kamera of slimfoon. As jy 'n slimfoon gebruik, skiet in die hoogste resolusie wat beskikbaar is.
- Gebruik 'n driepoot of plaas jou kamera op 'n stil, stabiele oppervlak.
- Verfilm in 'n vertikale formaat, soos met Instagram of TikTok stories. Vertoon net jou bolyf:
- Verfilm voor 'n agtergrond wat nie die aandag sal aflei nie.
- Verfilm voor 'n agtergrond wat nie die aandag sal aflei nie.
- Belig jouself strategies deur natuurlike lig of sagte lampe te gebruik.
- Dra klere wat nie kentekens, handelsname, teks, of ander elemente het wat aandag kan aflei nie.
- Memoriseer jou inhoud of gebruik 'n skerm waarop die teks rol terwyl jy praat. Dit raak steurend vir kykers wanneer jy van die kamera af wegkyk om notas te lees.
- Probeer om nie twee minute te oorskry nie. Ons data toon dat dit die beste lengte is om kykers van begin tot einde na jou video te laat kyk.
- Maak die opname in 'n stil ruimte. Vermy agtergrond geluide, omgewingsgeraas en klanke wat die aandag aflei.
- Luister na jou opname. Jy kan dalk dinge in die klankbaan hoor wat jy nie gehoor het toe jy dit geskiet het nie.
- Moenie agtergrondmusiek, teks of ander kunsitems by jou video voeg nie.
Inhoud struktuur
Hier volg aanbevelings hoe om jou inhoud te struktureer:
- Vertel ons kortliks wie jy is. Gee jou naam en bediening in ongeveer 5-10 sekondes.
- Haal die vers aan. Gee die teksverwysing en lees 'n gedeelte daarvan in jou voorkeurtaal.
- Gee 'n kort verduideliking van die vers. Wat wil jy oor die vers sê? Dit is 'n uitstekende plek om historiese konteks of 'n persoonlike verhaal by te voeg om die vers toepaslik te maak.
- Bied duidelike volgende stappe aan. Lei die kyker om in hul geloof te vorder. Dit kan 'n aansporing tot optrede of tot besinning wees. Hierdie stap moet duidelik maar wyd wees aangesien jy mense op verskillende stadia in hul geloofsreis sal bereik.
Ons glo dat uitnemendheid God vereer en mense inspireer.
Sulke toewyding aan uitnemendheid is hoekom ons verwag dat elke video wat ons aanlyn plaas streng aan ons missie en gehalteriglyne sal voldoen. Gevolglik kan daar geleenthede wees waar ons aan jou terugvoer oor jou video sal gee en jou dalk kan vra om dit weer op te neem.
Vervolgens sal jy 'n paar voorbeelde van uitstekende videogrepe sien en kan leer hoe om jou eie videogreep in te dien.
