Plan Feedback

Plan-terugvoer: Sien wat lesers van jou Bybelplanne dink

Plan-terugvoer is ’n nuwe afdeling binne Insights → Plans wat Bybelplanvennote wys wat lesers werklik van hul plan gedink het — beide die breë patrone (waarom mense dit hoog of laag beoordeel het) en die individuele, geskrewe terugvoer agter die graderings.

Waar om dit te vind

1. Kies Insights in die linkerkantste navigasiekieslys.
2. Kies Plans.
3. Maak die spesifieke plan oop waarvoor jy terugvoer wil sien.

Hoe om jou plan-teruvoer te filter

Wat kan verbeter word?  - Hierdie terugvoer kom uit 1–3-ster-graderings. Dit wys die totale aantal antwoorde, asook ’n gerangskikte uiteensetting van die mees algemene redes wat gebruikers gegee het, met die aantal en persentasie vir elke rede.

Waarvan het jy gehou in hierdie plan? – Hierdie terugvoer kom uit 4–5-ster-graderings. Dit volg dieselfde formaat, met positiewe redes soos Maklik om te volg, Bemoedigende inhoud, Praktiese wenke en Bybels verantwoord.

1. Kies die spesifieke plan waarvoor jy terugvoer wil sien.
2. Kies die datumreeks om terugvoer binne ’n spesifieke tydperk te sien.
3. Kies watter tale se terugvoer jy wil sien.
4. Kies watter lande se terugvoer jy wil sien.

Individuele terugvoerlys

Hieronder verskyn ’n lys van kaarte met individuele resensies wat deursoek en gefiltreer kan word. Elke inskrywing wys:

1. Datum – wanneer die terugvoer gegee is.
2. Stergradering – 1–3 of 4–5 sterre.
3. Planstatus – ’n kenteken wat wys of die leser die plan Voltooi of Gestaak het.
4. Rede – die spesifieke redes wat gekies is, byvoorbeeld Maklik om te volg, Bybels korrek, Verwarrende teologie, ens.
5. Geskrewe nota – die gebruiker se eie opmerking, indien hulle een gelos het.
6. Gebruiker se identiteit – ’n gedeeltelik versteekte naam, tesame met die land, om gebruikers se privaatheid te beskerm.

Gebruik KI om jou terugvoer te ontleed

Nadat jy jou terugvoer gefiltreer het, kies Export om al die data in ’n CSV-lêer te versamel. Gereedskap soos ChatGPT of Claude kan jou help om honderde geskrewe opmerkings baie vinniger te verwerk as om dit een vir een te lees.

1. Identifiseer algemene temas:
   Laai die CSV op en vra die KI om die terugvoer volgens temas te groepeer, eerder as om slegs die voorafbepaalde rede-etikette te gebruik.

   Probeer vra: “Lees deur die notas in hierdie CSV en groepeer die terugvoer in 5–7 algemene temas. Gee vir elke tema ’n kort beskrywing en hoeveel antwoorde onder elke tema val.”

2. Vergelyk voltooide en geskaakte planne
   Vra die KI om die data volgens planstatus te verdeel en die verskille tussen die twee groepe te beskryf. Dit kan wys waarom sommige lesers ophou voordat hulle die plan voltooi.

   Probeer vra: “Verdeel hierdie data volgens die statuskolom in voltooide en gestaakte planne. Watter temas kom meer gereeld in die een groep as in die ander voor?”

3. TVerander die data in 'n deelbare opsomming
   Dit is nuttig wanneer ’n vennoot die resultate met hul eie span of leierskap wil deel.

   Probeer vra: “Som hierdie terugvoer op in ’n eenbladsy-oorsig: die top 3 sterkpunte, top 3 areas wat verbeter kan word, en een aanbevole volgende stap.”